Қорақалпоғистонда Самарқандга 150 гр афюн олиб кетаётган аёл қўлга олинди. Бу ҳақда “Ҳуқуқ” нашри ёзмоқда.

Айбланувчи Айша Ерназарова илгари ҳам афюн савдосидан қўлга тушиб, 8 йилга қамалган, аммо 2013 йилда жазо муддатининг қолган қисмини назорат остида ўтказиш шарти билан озодликка чиққан эди. Ерназарова назорат остида бўлишига қарамай, эски ишини давом эттиришга қарор қилди.

2014 йилда у Самарқанд шаҳрига 150 гр афюн олиб кетаётганида қўлга олинди. Суд ҳукми билан у 10 йил 3 ойлик қамоқ жазосига ҳукм қилинди.