Тожикистоннинг селдан азият чеккан туманлари аҳолисига Қозоғистондан гуманитар ёрдам юборилади. Бу ҳақда Vlast.kz ресурси хабар бермоқда.

Халқаро гуманитар ёрдам масалалари бўйича комиссия йиғилишида бош вазир биринчи ўринбосари Бақитжон Сагинтаевнинг маълум қилишича, Тожикистонга юбориладиган гуманитар юкдан гўшт ва сут консервалари, ёғ, шакар, гуруч, шифер, металлопрокат ва бошқа нарсалар ўрин олади.

Тожикистоннинг тоғли ҳудудларида об-ҳаво шароитларининг кескин ўзгариши туфайли музликларнинг эриши кузатилди, бу айрим ҳудудларда селларни келтириб чиқарди. Бундай вазият Панж, Зарафшон, Кофарниҳон, Исфара, Исфана дарёлари ҳавзасида юзага келди.