Россиянинг Екатеринбург шаҳрида Равшан исмли тожикистонлик микроавтобус ҳайдовчиси нафақахўр эр-хотин унутиб қолдирган 850 минг рублни ўз эгаларига қайтарди. Бу ҳақда Е1.ru сайти хабар берди.

Ўтган якшанба, 23 август куни шаҳар бўйлаб қатновчи 81-рақамли микроавтобус ҳайдовчиси, 47 ёшли тожикистонлик Равшан ўз ҳалоллигини намойиш қилди, дейилади хабарда.

Сайт ходимлари бир неча маротаба уринганидан сўнг Равшандан интервью олишга муваффақ бўлишди.

“Ҳар куни кечқурун иш тугагач, салонни текшириб чиқаман, – дея гап бошлайди Равшан. – Якшанба куни ўриндиқлар остидаги одатда ноутбуклар солиб юриладиган чарм сумкага кўзим тушди. Унинг ичида кийим билан бирга, эркак кишининг исм-фамилияси ва манзили ёзилган конверт ҳамда 852 минг рубль пул чиқди. Кейинги куни кечқурун кўрсатилган манзилга бориб, пулни эгаларига топширдим.”