Самарқандда 100 млн сўм солиқ тўлашдан бўйин товлаган тадбиркор 1 млрд сўм жаримага тортилди. Бу ҳақда “Ҳуқуқ” нашри ёзмоқда.
Тадбиркор Фарҳод Шаропов бир неча йиллар муқаддам “Тайлоқ туман шароб савдо” ихтисослаштирилган база унитар корхонасини ташкил қилган эди.

ДСИ текшируви натижасида корхонанинг солиқдан қарздорлиги 100 млн сўмни ташкил қилгани аниқланиб, корхона ҳисобидаги 42 млн сўм олиб қўйилди. Аммо корхона раҳбари қарзнинг қолгани қисмини узишга ҳаракат қилмагани боис бир неча ойлардан сўнг унга нисбатан 1 млрд сўм молиявий жарима қўлланилди. Корхона вилоят хўжалик суди қарорига мувофиқ банкрот деб эълон қилинди. Солиқ ва бошқа тўловлардан 1 млрд сўмдан зиёд қарзлар тўлов қобилияти бўлмагани боис тўланмади.

Аммо ДСИ ходимлари текширишни давом эттириб, корхона тасарруфида Самарқанд шаҳрида жойлашган обморхона ва савдо дўкони борлигини аниқлади. Бу фактларни яширганликда айбланиб Шароповга нисбатан жиноий иш қўзғатилди.
Омборхона ва дўкон қийматининг қарзларни қоплашга етарлилигини ҳамда жавобгарнинг 60дан ошганини инобатга олиниб, унга нисбатан енгиллаштирилган маъмурий жазо қўлланилди.