Тошкентнинг иккита серқатнов Боғишамол ва Мирзо Улуғбек кўчаларини туташтирадиган йўл участкасида қурилиши ишлари давом этмоқда. Бу ҳақда "Газета.уз" нашри хабар қилган.

Узунлиги 1,6 км бўлган янги автомобиль йўли илгари Кабель заводига тақаладиган йўлнинг давоми бўлади. Энди у заводнинг қоқ ўртасидан кесиб ўтиб, Чаманбоғ кичик кўчаси бўйлаб, Ботаника боғи ёнидан ўтиб, Боғишамол кўчасига чиқади.

Автомагистраль «Ўзавтойўл» компаниясининг Тошкент Кўприк хўжалигини сақлашга ихтисослаштирилган таъмирлаш-фойдаланиш корхонаси (КХСИТФК) томонидан қурилмоқда. Қурилиш ишлари 1 августда бошланди, йўл қурувчилари объектни сентябрь ойида фойдаланишга топширишни мўлжалламоқда.

Олти қатордан иборат автомобиль йўли четларида янги пиёдалар йўлкалари, унинг ёнларидаги уйларда яшовчи аҳоли автомашиналари учун кириш жойлари, шунингдек, кўкаламзор қаторлари бўлиши кўзда тутилган. Шунингдек, йўловчилар учун иккита бекат қурилади.

Йўл қурилиши билан бирга унга туташ бўлган Салор канали тозаланиб, қирғоқлари мустаҳкамланмоқда