Украина асосий кредиторлари билан қарзнинг 20 фоизини ўчиришга келишиб олди, деб хабар беради Bloomberg агентлиги. Украина молия вазирлиги ва кредиторлар қўмитасининг қўшма баёнотида айтилишича, бу мамлакат қарзларини 3.6 млрд долларга қисқартириш имконини беради.

Баёнотда Киев Россияни ҳам, бошқа кредиторлар билан бир қаторда, қарзни реструктуризация қилишнинг шу шартларига кўнишга чақирди.
Украина еврооблигацияларни реструктуризация қилиш бўйича музокараларни март ойидан буён давом эттириб келмоқда. Мамлакат раҳбарияти кредиторларни, агарда улар қарзнинг 40 фоизидан ўтиладиган реструктуризацияга кўнмаса, ташқи қарзларни тўлашга мораторий жорий қилиниши мумкинлигидан бир неча бор огоҳлантирган эди.

Июль ойидаги музокаралар якунига кўра кредиторлар қарзнинг фақат 5 фоизидан воз кечишга тайёр эканликлари маълум қилинган эди. Украина молия вазири Наталья Яресько, ўз навбатида, бу кўрсаткичнинг камлигини таъкидлаб ўтди. Жорий ҳафтада эса реструктуризация улуши 20 фоизгача етиб борди.