АҚШ молия вазирлиги Украина қарзларининг реструктуризациясини қўллаб-қувватлади. Идора раҳбари Жейкоб Лью ўз баёнотида буни Украинада барқарорлик ва иқтисодий имкониятлар яратишдаги муҳим қадам деб баҳолади.

Лью бу ишни амалга оширишда айниқса Украина бош вазири ва молия вазирининг ўрни муҳим бўлганлигини таъкидлади.
Шунингдек, у реструктуризацияга рози бўлган кредиторларни дарҳол ушбу операцияни якунлаш учун зарур бўлган қадамларни ташлашга чақирди.

Эслатиб ўтамиз, 27 август куни Украина ва кредиторлар кенгаши қарзларнинг 20 фоизини ўчириш ҳақида келишувга эришишди. Украина молия вазири Наталья Яресько Россияни ҳам реструктуризацияга қўшилишга чақирди. Бунга жавобан Россия молия вазири Антон Силуанов Москва қарзларнинг тўлиқ ўталишини талаб қилишини айтди.