АҚШнинг ракета ташувчи эсминеци «Дональд Кук» 28 август куни охиригача Қора денгиз ҳудудига етиб келиши кутилмоқда. Бу ҳақда АҚШнинг 6-Ҳарбий денгиз флоти матбуот хизмати хабар берган.

«Дональд Кук» эсминеци ҳудуддаги тинчлик ва барқарорликни таъминлаш мақсадида 28 август куни Қора денгизга етиб келади", дейилади хабарда.

Бироз олдинроқ, бу ҳарбий кема НАТОнинг Қора денгизда ўтказиладиган «Бриз-2015» номли ҳарбий-денгиз машғулотларида қатнашиш учун 5 июль куни йўлга чиққани хабар қилинганди. Бу машҳулотларда АҚШнинг бошқа бир эсминеци "Портер" ва руминларнинг "Мачеллариу" корвети ҳам иштирок этади.