Boeing муҳандислари учувчисиз парвоз қурилмаларини йўқ қилиш учун лазер яратишди, деб хабар бермоқда Wired нашри.

Янги қурол дронларга икки киловатт қувватга эга инфрақизил лазер билан отади. Boeing компаниясида қуролнинг таъсир қилиш доирасининг аниқ радиуси айтилмаяпти, бироқ пушка оптик асбобларнинг кўриниш ҳудудида бўлган дронларни йўқ қила олиши таъкидланмоқда. Лазер нури қурилманинг корпусида тешик очиб, унинг ичидаги электроника ва механикани ишдан чикаради. Қурол дрон корпусини куйдириб тешик очиши учун 2 сония вақт талаб қилиниши айтилмоқда.

Пушка оддий Xbox 360 контроллёри ва тегишли дастурий таъминот ўрнатилган ноутбук ёрдамида бошқарилади.