Россия ва Эрон республикага ҳарбий самолётларнинг икки турини етказиб бериш бўйича музокаралар олиб бормоқда. Бу ҳақда Эрон вице-президенти Сорена Саттарий маълум қилди.

“Айтишим мумкин бўлган ягона маълумот шуки, биз бу каби самолётларнинг энг камида икки тури бўйича шартнома тузишимиз мумкин. Ҳозирча музокаралар ижобий руҳда давом этмоқда”, – деди Саттарий Россиянинг “Коммерсантъ” газетасига берган интервьюсида.

Эронлик сиёсатчи батафсил маълумотларни мамлакатлар ҳарбий вазирликлари бериши мумкинлигини қайд этиб ўтди.
Шунингдек, Саттарий Эрон агарда Россия имтиёзли шартлар таклиф этса, Superjet 100 самолётларини харид қилишга қизиқиш билдираётганини ҳам айтиб ўтди.

«Superjet 100 халқаро лойиҳа ҳисобланади. Ушбу самолёт эҳтиёт қисмларининг 80 фоизга яқини хорижда ишлаб чиқарилади. Бу ўринда биз Россия босқичма-босқич ишлаб чиқаришни маҳаллийлаштираётгани ва лойиҳани такомиллаштиришда давом этаётганини кўриб турибмиз”, – деди Эрон вице-президенти.