2015 йил 7 ноябрь куни Россия пойхтахти Москва шаҳридаги Халқаро мусиқа уйининг Светлана залида Ўзбекистонда хизмат кўрсатган хонанда Севара Назархоннинг катта яккахон концерти бўлиб ўтади.

Севара Назархон Ўзбекистон давлат консерваториясининг мумтоз опера йўналишида таҳсил олган. У ўз фаолияти даврида таниқли инглиз мусиқашуноси Питер Гэбриэл билан бирга кўплаб ижод намуналари устида иш олиб борди. Бир неча йиллар давомида Марказий Европа ва Осиё бўйлаб гастрол концертларини ўтказди ва машҳур BBC World Music Award танловининг энг яхши осиёлик қўшиқчи (“Best Asian Artist”) мукофотини қўлга киритган.

Россиялик мусиқа ишқибозлари эса Севара Назархонни “Голос”, “Вышка”, “Точь-в-точь”, “Танцы со звездами” телелойиҳалари орқали яхши танишади.

7 ноябрь куни бўлиб ўтадиган концертда хонанда рус тилидаги “Так легко” ва “Письма” альбомларидан ўрин олган машҳур композицияларини ҳам ижро этади.