Сентябрь ойида Халқаро савдони рағбатлантириш Кенгаши бош котибининг ўринбосари, Шанхай Халқаро савдо палатаси бош котиби Пан Гуоцзинг бошчилигидаги делегация Ўзбекистонга ташриф буюришни режалаштирмоқда.

Бу ҳақда, бош котиб Шанхай Халқаро савдо палатасида Ўзбекистон Республикаси Мустақиллигининг 24 йиллигига бағишланган брифинг пайтида “Жаҳон” ахборот агентлигига берган интервьюсида маълум қилди.

Бундан ташқари, Пан Гуоцзинг ўз интервьюсида Ўзбекистонда мустақиллик йилларида ижтимоий-сиёсий, ижтимоий-иқтисодий ва бошқа соҳаларда қўлга киритилган ютуқлар ҳақида ҳам гапириб ўтди.

Ўзбекистон Республикаси Мустақиллигининг 24 йиллигига бағишланган брифингда Хитой Халқ Республикасининг ишбилармон ва илмий-академик доиралари вакиллари иштирок этди, деб хабар беради telegraf.uz нашри.