Венесуэла ва Колумбия раҳбарияти бир нечта чегара пунктларининг ёпилишидан сўнг ўз элчиларини музокаралар учун чақириб олишди.

Ўтган ҳафта Венесуэла президенти Николас Мадуро Колумбия билан чегарадаги вилотяда фавқулодда вазият эълон қилди. Маълум бўлишича, ушбу минтақада контрабандачиларнинг ҳужумлари кузатилган. Ҳужум оқибатида 3 нафар ҳарбий ва 1 нафар тинч фуқаро жароҳат олган.

Шундан буён контрабанда ва жиноий гуруҳларга қарши операция доирасида Венесуэладан минглаб колумбияликлар чиқариб юборилди.

Ўз навбатида Колумбия президенти Хуан Мануэль Сантос фуқароларига бундай муносабатда бўлишларига йўл қўймаслигини маълум қилди.

Контрабанда билан шуғулланувчи гуруҳлар Венесуэладан арзон гаровга маҳсулот сотиб олиб, уни ноқонуний йўллар билан Колумбияга ўтказиш билан шуғулланади.