2015 йилда АҚШда қадоқланган сув савдоси 7 фоизни ташкил қилади. Бундай динамика сақланиб қолган тақдирда 2017 йилга келиб АҚШда қадоқланган сув газланган ичимликлардан кўпроқ ҳажмда сотила бошлайди, деб ёзмоқда The Wall Street Journal нашри.

Нашрнинг ёзишича, 2014 йилда Nestle компанияси қадоқланган ичимлик сувидан Dr Pepper Snapple Group газланган ичимликлардан сотгандан кўра кўпроқ ҳажмда сотди. Nestle савдолар ҳажми бўйича Dr Pepper’ни АҚШда спиртсиз ичимликлар ишлаб чиқарувчи йирик компаниялар рўйхатида 3-ўринга суриб қўйди. Қадоқланган ичимлик сувининг оммалашиши Coca-Cola ва PepsiCo савдосига салбий таъсир кўрсатмоқда.

Beverage Marketing компаниясининг маълумотларига кўра, АҚШда 2000 йилдан бери қадоқланган ичимлик сувининг истеъмоли аҳоли жон бошига 2 баробарга ошган ва қарийб 140 литрни ташкил қилмоқда. Бу орада газланган ичимликлар истеъмоли 1,5 баробарга, яъни 150 литргача камайиб кетди.