Венесуэла президенти Николас Мадуро мамлакат иқтисодиётини қўллаб-қувватлашга қаратилган шартномаларни имзолаш мақсадида Хитой ва Вьетнамга расмий ташриф билан боради, дея хабар берди Reuters.

“Мен эртага Венесуэланинг иқтисодий ва молиявий хавфсизлигини таъминлаш бўйича шартномалар имзолаш, шунингдек, ушбу мураккаб даврда кўмак топиш мақсадида Вьетнам ва Хитойга жўнаб кетаман”, – деди Мадуро.

У мазкур Осиё давлатларига президентларининг таклифи билан жўнаб кетаётганини таъкидлаб ўтди.

Қайд этилишича, 2007 йили, Уго Чавес давридаёқ Венесуэла Хитойдан 50 млрд доллар қарз олган эди. Бу Хитой компанияларининг мамлакат бозорига киришига кенг йўл очди.