CBC телеканали ўтказган сўровнома натижаларига кўра, Канада бош вазири Стивен Харпернинг ҳукмрон Консерватив партияси ҳозирча парламент сайловолди курашини ютқазмоқда.

Ҳозирда ушбу партия учун 28,3 фоиз сайловчилар овоз беришга тайёр. Бу борада Янги демократик партия 35,5 фоиз овоз билан етакчилик қилмоқда, 3-ўринни 26,9 фоиз овоз билан Либерал партия эгалламоқда.

Телеканалнинг қайд қилишича, агар парламент сайловлари эртагаёқ ўтказилганда, унда Янги демократик партия парламент қуйи палатасида 124 тадан 153 тагача, Консерватив партия 92 тадан 132 тагача, Либерал партия эса 70 тадан 106 тагача ўрин эгаллаши мумкин бўларди. Парламентдаги ўринларнинг аниқ сони сайловолди кампаниясида қатнашаётган бошқа партияларнинг натижаларига боғлиқ бўлади.     

Канадада сайловолди кампанияси 2 августда бошланди. Бу кампания мамлакатнинг замонавий тарихида энг узоқ давом этган сайловолди кампанияси бўлади. Парламент сайловлари 19 октябрда ўтказилади, шу тариқа номзодлар ихтиёрида ташвиқот учун 11 ҳафта ёки 78 кун вақт бўлади.