Туркиянинг жануби-шарқидаги Мардин вилоятида полициячилар автобуси портлатилиши оқибатида 24 киши жабрланди. Улардан 10 нафари полиция ходимлари экани айтилган.

Press TV телеканалида айтилишича, бу теракт Курдистон ишчилар партияси вакиллари томонидан амалга оширилган.
Қайд этиш керакки, бу партия аъзолари бугун Анқарада Туркия ҳукумати ва курдлар ўртасидаги сиёсий урушга барҳам берилишини сўраган ҳолда тинч намойиш ўтказишганди.

Шунингдек, 29 август куни курдлар Туркия армиясининг 3 нафар аскарини ўлдиришгани хабар қилинган.

Қолаверса, Туркияда бугун Vice телеканалининг 2 нафар журналисти мамлакатдаги сиёсий низолар бўйича ҳужжатли фильм олиш пайтида ҳибсга олинган.