Туркиянинг жануби-шарқида курд исёнчилари ва турк ҳуқуқ-тартибот муассасалари ходимлари ўртасидаги тўқнашувларда камида 5 киши ҳалок бўлди, деб хабар бермоқда Associated Press ахборот агентлиги.

Туркия ҳукуматининг маълум қилишича, исёнчилар ҳукумат биноларига хужум қилганлар. Исёнчилар дастаки танкка қарши гранатомётлардан фойдаланганлар. Снарядларнинг портлаши оқибатида икки нафар исёнчи ва бир нафар полициячи ҳалок бўлди. 

Шифохона олдида содир бўлган яна бир ҳужумдаги отишмада икки полициячи ҳалок бўлди. Бундан ташқари, 24 нафар одам автобус портлаши оқибатида жабр кўрди.