Киев мэри Виталий Кличко шаҳар аҳолисини Почтавая майдонидаги Пиёдалар дам олиш зонасининг очилиши билан қутлаб, бир неча киевлик билан фавворада чўмилди, дея хабар берди УНН.

“Биз Киевни замонавий Европа шаҳри мақомига етказиш, уни яхши ва қулай қилиш учун зарур бўлган барча чораларни кўрамиз. Мазкур майдон энг яхши намуналардан биридир. Яқин орада бу ерда кафе ва бошқа инфратузилмалар ишга тушади. Бу ернинг атмосфераси жуда яхши ва уни фаввора тозалаб туради”, – деди мэр.

Мэр, шунингдек, коплекс 2016 йилнинг баҳорида тўлиқ ишга тушишини маълум қилди. Бу ерда қадимги Киев музейи бўлган савдо мажмуаси ишга туширилади. Ушбу музейда томошабинларга археологик қазишмалар чоғида топилган XI асрга оид артефактлар намойиш этилади.