"Монако"нинг 19 ёшли ҳужумчиси Антони Мартиаль "Манчестер Юнайтед"га ўтиш арафасида турибди.

RMC Sport нашрининг хабар беришича, томонлар бу футболчининг трансфери бўйича асосий масалаларни ҳал қилиб олишган.

Маълум қилинишича, Мартиалнинг "қизил иблислар" сафига ўтиши жамоа учун 80 млн еврога айланади. "Монако" бу футболчиси учун дарҳол 60 млн евро ва кейинроқ бонуслар сифатида 20 млн евро олиши айтилган.

Бу трансфер орқади Мартиалнинг собиқ жамоаси "Лион" 10 млн евро ишлаб олади.

Маълумот учун, Мартиаль Франция чемпионатида ўтган мавсумда 35 ўйинда иштирок этиб, 9та гол урган ва 3та голли пас амалга оширган.