Украина бош вазири Арсений Яценюк ҳукумат қарори билан Украинада 1 сентябрдан энг кам ойлик иш ҳақи ва яшаш минимуми миқдори ошишини эълон қилди. Бу ҳақда РИА “Новости” маълум қилди.

Яценюк амалдаги қонунга кўра яшаш минимуми ва энг кам ойлик иш ҳақини 1 декабрдан ошириш режалаштирилганлигини айтди. Бироқ Яценюк “яшаш минимуми ва энг кам ойлик иш ҳақини ошириш учун молиявий захира қидириш” бўйича иш олиб борилганини ва 1 сентябрдан буни амалга оширишга муваффақ бўлингани таъкидлаб ўтди.

Яценюк ушбу қарор президент билан бирга қабул қилингани ва бу вазифаларни муваффақиятли амалга ошириш учун 10 млрд гривна талаб қилинишини айтди.
Украина парламентига қарийб 12 млн украиналикка ижтимоий стандартларни кўтаришни назарда тутувчи қонун лойиҳаси кўриб чиқилиш учун киритилмоқда.