"Манчестер Юнайтед” жамоасининг испаниялик дарвозабони Давид де Хеанинг “Реал” жамоасига трансфери бўйича юзага келган можароли вазиятга нуқта қўйилди.

Унга кўра, де Хеа "Манчестер Юнайтед"да қолади.

“Реал” ёзги трансфер мавсуми якунланишидан бир дақиқа илгари Де Хеанинг трансферини тасдиқловчи ҳужжатларни Ла Лига раҳбариятига юборганини исботлаш фикридан қайтган. Бу ҳақида Испания ва Англиядаги Sky Sports, Marca каби нашрлар УЕФАга асосланган ҳолда хабар тарқатди.

Шу тариқа, де Хеа 2015/16 йилги мавсумни “Манчестер Юнайтед”да ўтказади ва келаси ёзда жамоани эркин агент сифатида тарк этиши мумкин бўлади.

Эслатиб ўтамиз, "Реал" Испанияда ёзги трансферлар даричаси ёпилганидан 28 дақиқа ўтиб, Ла Лигага де Хеанинг ҳужжатларини топширган ва бу дарвозабонни янги мавсум учун қайдномага киритишдан кечикканди.