1 сентябрдан бошлаб ёш нафақасидаги барча одамларга етказиладиган ойлик тўловлар миқдори 6.7 фоизга оширилиб, 160 ларига етказилади ва 68 долларни ташкил этади.
“Бунинг учун йилига яна қўшимча равишда 300 млн лари керак бўлади, бу аллақачон бюджетда кўзда тутилган”, - деди меҳнат, соғлиқни сақлаш ва ижтимоий ҳимоя вазири ўринбосари Заза Сопромадзе журналистлар билан мулоқот чоғида.

Илгарироқ молия вазири Нодар Хадури 2015 йили пенсиянинг оширилиши тамаки маҳсулотларига ўрнатилган акциз солиқларининг ўсиши ҳисобига амалга оширилишини хабар қилган эди. Айтилишича, жорий йилдан бошлаб акциз солиқлари фильтрли сигареталар учун 20 фоизга, фильтрсиз сигареталар учун эса 25 фоизга ошади.
Охирги 1.5 йил ичида Грузияда нафақахўрлар сони 17 минг кишига кўпайди. Бугунги кунда уларнинг умумий сони 703 минг кишига тенг.
“Нафақахўрларнинг умри давлат дастури доирасида нафақа ёшидаги шахсларга ажратилган дунёдаги энг яхши тиббий суғурта пакетлари ҳисобига ошди”, - таъкидлади Сопромадзе.

Бундан ташқари, ҳукумат махсус пенсия тизими ислоҳотини ўтказиб, жамғариб бориладиган пенсия тизимини жорий қилмоқчи. Бу, Сопромадзенинг фикрича, нафақахўрларни узоқ истиқболда юқори пенсион даромад билан таъминлайди.