Ливия пойтахти Триполида жойлашган Италиянинг Eni концерни биноси ёнида портлаш юз берди, деб хабар бермоқда Reuters ахборот агентлиги.

Гувоҳларнинг таъкидлашича, портлаш Аз-Заҳро туманида миналаштирилган автомобилни портлатиш оқибатида юз берган. Ҳозирда қурбонлар ва жароҳат олганлар ҳақида ҳеч қандай маълумот берилмаган.

Қайд этилишича, портлаш жойи яқинида, шунингдек, Саудия Арабистони ва Жазоир элчихоналари жойлашган. Айни пайтда ҳеч қайси бир экстремистик гуруҳ портлаш учун жавобгарликни ўз зиммасига олмади.

Бундан аввал Eni концерни 2018 йилга қадар Миср газини экспорт қилишни бошлаши маълум қилинган эди.