АҚШ президенти Барак Обама NBC телеканалида эфирга узатиладиган, ёввойи табиат билан ёлғиз юзма-юз қолганда жон сақлаш уқувлари намойиш қилинадиган Running Wild шоусида иштирок этади, деб маълум қилмоқда Reuters ахборот агентлиги.

Президент Аляска ёввойи табиати шароитларида омон қолиш уқувларини намойиш қилади. Кўрсатув бошловчиси Беар Гриллс президент билан бирга ўрмон ва тоғлар бўйлаб мураккаб ўтишлар амалга оширади.

Кўрсатувнинг Обама иштирок этган серияси қачон эфирга узатилиши маълум қилинмади. Бироқ шуниси маълумки, бу кўрсатув 2015 йилда эфирга узатилади. Обама ушбу телешоуда қатнашадиган биринчи АҚШ президенти бўлади.

Аввалроқ бу кўрсатувда Бен Стиллер, Зак Эфрон, Кейт Хадсон, Мишель Родригес каби юлдузлар иштирок этган. Аввалроқ Мишель Обама машҳур Опра Уинфрининг телешоусида қатнашган эди.