Ўзбекистонлик боксчи Бектемир Мелиқўзиев жаҳон чемпионини Осиё чемпионатидан чиқариб юборди

Спорт 01 Сентябрь 2015 3386

Таиланднинг Бангкок шаҳрида бокс бўйича Осиё чепмпионати ўйинлари давом этмоқда. 1 сентябрь куни кундузги дастурдан ўрин олган чорак финал баҳслари якунига етди. Унда икки нафар ўзбекистонлик спортчи рингга кўтарилди ва ғалабага эришди. Бу ҳақда «Stadion.uz» нашри хабар қилган.

Дастлаб -49 кг вазн тоифасида Ҳасанбой Дўсматов япониялик Тсубой Томоя билан жанг олиб борди. Ўзбекистонлик боксчи рингда тўла устунликка эришди ҳамда ҳакамларнинг учаласи ғалабани Дўсматовга берди — 3:0. Шу тариқа Ҳасанбой ярим финал йўлланмасини қўлга киритди.

Ёш боксчи Бектемир Мелиқўзиев эса куннинг сенсацион натижаларидан бирини қайд этди. Катталар терма жамоаси сафига қўшилганига кўп бўлмаган, ўсмирлар ўртасида жаҳон чемпиони, ўсмирлар ўртасидаги олимпия ўйинлари (Нанкин) ғолиби бўлган Бектемир бугун қозоғистонлик жаҳон ва Осиё чемпиони Жанибек Алимханулининг синовидан ўтди. Қўшни юрт спортчиси тажриба, бўй ва техникада устунликка эга бўлганига қарамай, Мелиқўзиев жангни ғалабагача олиб борди. Биринчи ва иккинчи раундлар нисбатан тенг ўтди. Учинчи раундда эса ўзбек боксчиси рақибига кучли ва аниқ зарбалар йўллашга муваффақ бўлди. Натижада ҳакамларнинг икки нафари ғалабани Бектемир Мелиқўзиевга тақдим этди — 2:1.

Бугун кечки дастурда яна 3 нафар ўзбекистонлик боксчи — Муроджон Аҳмадалиев (56 кг), Фазлиддин Ғоибназаров (64 кг), Рустам Тўлаганов (91 кг) чорак финал жангларини ўтказади. Ўзбекистон шарафини ҳимоя қилаётган яна 4 нафар боксчи чорак финал жанглари учун эртага, 2 сентябрь куни рингга кўтарилади.

Бундан олдинроқ, Бангкокдаги Осиё чемпионатида 10 ўзбек боксчисининг 9 нафари чорак финал баҳсларини давом эттириши ҳақида хабар берилганди.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 22609 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 40441 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 153836 Жамият
Кун.uz офис изламоқда
15:48 / 06.08.2017 43889 Lifestyle
Тадбиркорлар Ҳикмат Абдураҳманов ва Азиза Умарова билан суҳбат: Хитой, омадсиз авиакасса ва вазирликдаги ишдан кетиш
20:24 798 Lifestyle
Интернетда хитойлик ва ҳиндистонлик аскарлар ўртасидаги оммавий муштлашув видеоси пайдо бўлди
20:15 2242 Жаҳон
Каталония ҳукумати мусулмонларни ҳақорат қилмасликка чақирди
19:52 1197 Жаҳон
Сурхондарё ҳокими: Одамларни мажбурлаб пахтага олиб чиқиш — ноинсофлик!
Жанубий Кореяга АҚШ армияси бош қўмондони келди
19:43 973 Жаҳон
Эркинжон Турдимов: “Сурхондарёда етиштирилаётган пахта 100 фоиз шу ерда қайта ишланади”
Кўпроқ янгиликлар