Россия Хавфсизлик кенгаши раҳбари Николай Патрушев Ғарбнинг Россия қўллаб-қувватлаётган иқтисодий лойиҳаларнинг амалга оширилишига халақит беришга уринаётгани ҳақида гапириб берди, деб хабар бермоқда РИА «Новости» ахборот агентлиги. 


“Хорижий ташкилотларнинг биргаликдаги иқтисодий лойиҳалардаги иштирокини чеклаш йўли билан Россиянинг ривожланишига тўсқинлик қилишга уринишлар бўлмоқда. Бунга мисол сифатида “Шимолий оқим” ва “Жанубий оқим” газни транспорт қилиш лойиҳаларини амалга оширишдаги муаммоларни айтиш мумкин. Россиянинг Арктика зонаси чегараларида қитъа шелфида фойдали қазилмалар конини ўзлаштиришга ҳуқуқи шубҳа остига қўйилмоқда”, деб айтди Патрушев. Патрушев Ғарб хорижий ташкилотларнинг Россия билан биргаликдаги лойиҳалардаги иштирокини атайлаб чеклаётганига ишончи комил эканини айтди.