Тошкент йўллари бўйлаб газда ҳаракатланувчи илк MAN автобуслари қатнови йўлга қўйилди

Ўзбекистон 01 Сентябрь 2015 5962

Ўзбекистонда охирги ярим йил давомида газда ҳаракатланувчи MAN автобусини синовдан ўтказиш ишлари ўз якунига етказилиб, автобус Мустақиллик байрами арафасида 44-автобус йўналиши бўйлаб йўловчиларга хизмат кўрсатишни бошлади.

uztransport.uz маълумотларига кўра, автобуснинг ташқи қиёфаси “қўполроқ” кўринишига қарамасдан, ўзидан эътиборни қочирмайди ва Тошкент шаҳри учун ўзига хос бўлиб қолган оч-яшил рангда анчагина сервиқор кўринади.

Автобусда биринчи бўлиб кўзга ташланадиган ва ижобий ҳислар уйғотадиган жиҳати салонининг ранглар гаммаси бўлиб, у асосан оч-кулранг ва оқ рангларда ишланган ва ўриндиқларнинг кўк қопламаси билан идеал равишда уйғунлашган.

Автобусда ўриндиқлар сони 28 тани ташкил қилади. Ўриндиқлар юмшоқ, қулай ва эргономик ишланган. Бироқ шу билан бир камчилиги кўзга ташланмоқда: уларнинг қопламаси осонгина шикастланиши мумкиндек кўринди.

Салоннинг орқа қисмида ўриндиқлар стандарт тарзда жойлашган, бироқ зиналарнинг жойлашгани туриб кетувчи йўловчиларга ноқулайлик туғдириши мумкин.Двигатель шундай жойлаштирилганки, деярли автобус остида қолади ва паст полли “Мерседес” автобусларига хос бўлган салоннинг бир қисмини эгаллаб туришдан холи.

Салоннинг олд қисмида ўриндиқлар бирмунча ностандарт жойлашган. Чап томонда жойлашган ўриндиқлар салон ичига қаратиб ўрнатилган ва йиғилувчи қилиб ишланган: бунинг эвазига йўловчилар кўп бўлган тақдирда қўшимча туриш жойи ҳосил қилиш мумкин.

Автобуснинг осма деталларига келадигак бўлсак, бизнинг, афсуски, идеалдан анча узоқ бўлган баъзи йўлларимизда автобусда юмшоқ кетишни кутиш ярамайди,бунда силкитишлар сезилиши турган гап. Автобуснинг яна битта яққол камчиликларидан бири ойна дарчаларининг кичик ўлчамда ишлангани бўлиб, улар салон ичини нормал шамоллатиш даражасини таъминлай олмайди. Бу айниқса иссиқ кунларда яққол сезилиши мумкин.

Умуман, хулоса қилиб айтганда, автобуснинг афзалликлари унинг камчиликларини қоплайди ва бу автобуслар бизнинг йўлларда муносиб ўрнини эгаллаб, “ўзидан кўпаяди”, деб умид билдириб қоламиз.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34130 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72361 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10502 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136463 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 24 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 279 Жамият
Виталий Денисов футболга қайтганидан хурсанд
02:29 128 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 282 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар