Японияда кучли ер силкиниши чоғида сақланиш ва офат оқибатларини бартараф қилишга қаратилган ўқувларда 1.5 млн дан ортиқ одам иштирок этди. KyodoNews агентлигининг маълум қилишича, махсус тадбирлар 34 префектура ҳудудида ўтказилди. Бундай тадбирлар мамлакатда ҳар йили 1 сентябрь куни ўтказилади.

Сценарийга кўра, мамлакатда 7.3 магнитудали зилзила содир бўлиб, унинг эпицентри Токио остида жойлашади. Бош вазир қароргоҳида оператив штаб ташкил этилиб, унинг ишчилари жабр кўрган минтақаларни кузатади ва мувофиқлаштирувчи тадбирлар ўтказади. Вазирлар маҳкамаси аъзолари одатий костюмларини ечиб қўйиб, махсус кийимларни кийишади ва тез-тез ҳаракат қилишади.

Ҳукумат раҳбари миллатга синов мурожаатини йўллайди, одамларни тинчлик сақлашга чақириб, амалга оширилаётган чора-тадбирлар билан таништиради.
Ўқувларда, шунингдек, армия, полиция, ёнғин хавфсизлиги хизмати бўлинмалари, давлат хизматчилари ва тиббиёт ходимлари ҳам иштирок этишди.