Қашқадарёлик Баҳодир исмли ҳайдовчи Тошкент шаҳрининг Чилонзор туманида кира қилиш чоғида Саодат исмли аёлни уриб кетди. Аёлга ёрдам кўрсатиш ўрнига у воқеа жойидан яширинди.

Кўчадан ўтиб кетаётган одамлар аёлга ёрдам кўрсатиб, шифохонага етказишди. Шифокорлар воқеа ҳақида шаҳар ИИББга хабар беришди. Ҳуқуқ-тартибот ходимлари жабрланувчи ва унга ёрдам кўрсатган фуқароларнинг кўрсатмалари асосида иш олиб бориб, қисқа муддатда ҳайдовчини қўлга олишга муваффақ бўлишди.