Ўзбекистонда мева ва сабзавотларни автотранспорт воситаларида экспорт қилиш тақиқланди

Иқтисодиёт 02 Сентябрь 2015 6105

Ўзбекистонда 1 сентябрдан бошлаб мева ва сабзавот, картошка, полиз маҳсулотлари ва узумни автотранспорт воситаларида экспорт қилиш тақиқланди. Бу ҳақда 28 август куни қабул қилинган ҳукумат қарорида белгилаб қўйилди.

Эндиликда мева ва сабзавот, картошка, полиз маҳсулотлари ва узум (коди: ТН ВЭД 07-08)ни автотранспорт воситаларида экспорт қилиш фақатгина темир йўл ва ҳаво транспорти орқали амалга оширилади.

Қарорда қайд этилишича, мазкур ҳужжат кўрсатиб ўтилган маҳсулотлар экспортини тартибга солиш, улар экспорти юзасидан тузилган шартномалар имзолашда божхона жараёнларининг шаффофлигини таъминлаш ҳамда республика чегараларидан уларнинг ноқонуний олиб ўтилишини бартараф этиш мақсадида қабул қилинди.

1 октябрдан бошлаб Ўзбекистонда ҳужжатда кўрсатилган мева ва сабзавот, картошка, полиз маҳсулотлари ва узумни экспорт қилишда виждонсизликка йўл қўйган экспортёрларнинг рўйхатини тузиш ҳам йўлга қўйилади.

Маълумот ўрнида, 2015 йилда Ўзбекистонда 15,5 миллион тонна мева ва сабзавот маҳсулотлари етиштириш режалаштирилган бўлиб, 2014 йилда бу кўрсаткич 14,9 миллион тоннани ташкил этган. Турли маълумотларда келтирилишича, фақатгина 500 минг тонна маҳсулот хорижга экспорт қилинади. Ўзбек мева сабзавотларининг асосий импортёрлари эса МДҲ давлатлари, шу жумладан, Россия ва Қозоғистон ҳисобланади.

Давлат божхона қўмитаси маълумотларига кўра, қишлоқ хўжалиги маҳсулотлари контрабандасининг 35 фоизи Қозоғистон чегараларида амалга оширилади.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 33146 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18595 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71594 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59137 Жамият
ЕЧЛ-2017/18 қуръасида саватчалар таркиби қандай бўлади?
15:04 622 Спорт
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 3648 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 631 Жаҳон
Жосусликда айбланиб қамалган Эркин Мусаев озодликка чиқарилди
Кўпроқ янгиликлар