Каталониянинг «Барселона» клуби кейинги мавсумдан бошлаб ўз либосларининг олди қисмида рекламани жойлаштириш ёки жойлаштирмаслик масаласини тез орада кўриб чиқади, деб ёзмоқда AS нашри.

Клубнинг анъанасига мувофиқ, илгари бундай рекламалар хизматидан фойдаланилмаган, бироқ жамоа Qatar Airways билан шартнома имзолаган ва мазкур ёзув ҳозирда клуб футболкаларида акс этиб турибди.

Qatar Airways билан шартнома 2016 йилнинг охирида ниҳоясига етади. Жорий йилнинг октябрь ойида клуб раҳбарияти мазкур компания билан шартномани узайтириш ёки бутунлай рекламасиз футболкалар анъанасига қайтиш масаласини ҳал қилиш бўйича мажлис ўтказилади.

24-25 октябрь кунлари мазкур масала юзасидан клуб вакиллари ўртасида сўров ташкил қилиниши кутилмоқда.
Ҳозирда эса, Qatar Airways клуб билан янги шартнома тузиш ҳаракатига тушиб қолган. Улар мазкур ёзувнинг клуб футболкасининг олд қисмида туриши учун йилига 60 миллион евро бериш бўйича шартнома таклиф қилиши кутилмоқда.