“Ахборот” дастурида Савицкий музейидан 581,625 млн сўмлик 5та сурат ўғирлангани маълум қилинди

Маданият 03 Сентябрь 2015 5541

2 сентябрь куни Ўзбекистон телеканали орқали эфирга узатилувчи “Ахборот” информацион дастурида Қорақалпоғистоннинг Нукус шаҳрида жойлашган Игорь Савицкий номидаги санъат музейидан бешта суратнинг йўқолгани ҳолати бўйича жиноий иш қўзғатилгани хабар қилинди.

Дастурда хабар берилишича, 28 август куни Ўзбекистон Миллий хавфсизлик хизмати музейдаги бешта суратнинг йўқолгани ҳолати бўйича жиноий иш қўзғатган. Мазкур суратларнинг йўқолгани мутахассислар томонидан музейнинг 85 мингдан ортиқ тасвирий ишлари ичидан 800дан зиёди ультрабинафша нурланиш текширувидан ўтказилганидан сўнг аниқланган.

“Таҳлил натижалари шуни кўрсатдики, музейда Ганнинг “Дам олишда”, Кашиннинг “Овулда”, Сафроновнинг “Шляпадаги аёл портрети”, Турусовнинг “Узумзор”, Караханнинг “Лола тераётган аёллар” картиналари ўрнига бутунлай бошқа ижод намуналари сақланаётган экан”, дейилади сюжетда.

Маданият ва спорт ишлари вазирлиги Бадиий экспертиза бошқармасининг экспонатларни баҳолаш комиссияси қарорига кўра, кўрсатиб ўтилган суратларнинг умумий қиймати 581,625 млн сўмни ташкил этади.

Бундан олдинроқ, Савицкий музейи директори Мариника Бабаназарованинг ишдан бўшатилгани ҳақида хабар берилганди.

Шундан сўнг, музей ходимлари бунга норозилик хати ёзишган.

Бироз ўтиб, Ўзбекистон Маданият ва спорт вазирлиги Бабаназарова пенсия ёшидалиги туфайли вазифасидан озод қилингани ҳақида маълум қилган.

Шунингдек, Мариника Бабаназарова ўзининг фейсбукдаги саҳифасида Ўзбекистон Маданият ва спорт вазири Баҳодир Аҳмедов номига мурожаатини эълон қилиб, ўзининг ноҳақ ва асоссиз равишда ишдан бўшатилгани ҳақида баён қилганди.

Маълумот учун, Мариника Бабаназарова ушбу музей директори сифатида 1984 йилдан буён ишлаб келган.
Қайд этиш жоизки, Савицкий музейи ЮНЕСКО ҳамкорлигида ташкил этилган "Хоразм олтин ҳалқаси" туристик йўналишидаги объектлар сирасига кирган. Музей 2011 йилда Ўзбекистондаги энг кўп сайёҳлар ташриф буюрадиган музейлардан бири сифатида «Сайёҳлар эътиборини қозонган музей» мукофоти билан тақдирланганди.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 72202 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37459 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21722 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81757 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62054 Жамият
Forbes: Бой бўлишдан уялмаган Малкольм Форбс
01:13 2196 Lifestyle
Зидан ҳеч қандай музокараларсиз «Реал» билан шартномани узайтиради
00:53 1486 Спорт
Бразилияда бортида 70 киши бўлган паром чўкиб кетди
00:20 1228 Жаҳон
Германиядаги йўл-транспорт ҳодисасида 44 руминиялик жабрланди
00:17 506 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 891 Маданият
Кўпроқ янгиликлар