GM Uzbekistan қўшма корхонаси ва автомобиль бутловчи қисмларини ишлаб чиқарувчилар 1 августда профилактик таътил олганидан сўнг ўз фаолиятини қайта бошлади. Бу ҳақда "Gazeta.uz" хабар берди.

“Байрамдан сўнг барча корхоналар иш фаолиятини бошлади, ишлаб чиқариш ва конвейер линиялари тўлиқ иш тартибига кейинги ҳафтадан ўтади”, – дея ойдинлик киритди ахборот манбаси.

Муқаддам ишлаб чиқаришнинг тўхтатилиши режа асосида амалга оширилган бўлиб, Асакадаги атомобиль заводида олиб борилувчи профилактика чоралари бунга сабаб экани хабар қилинган эди.

Жумладан, GM Uzbekistan T250 (Chevrolet Aveo) платформасида автомобиль йиғиш бўйича янги технологияларни ўрнатиш ишлари бошлангани муносабати билан профилактика ишларини олиб борди. Янги автомобиль русуми 2016 йилда ишлаб чиқарила бошланади.