Lenovo компанияси Берлинда бошланган IFA 2015 кўргазмасида Ideapad MIIX 700 гибрид планшетини намойиш қилди. Модель уланадиган док-клавиатура ёрдамида ноутбук ва планшет сифатида ишлатилиши мумкин.

Ички ўрнатилган таглик кўзда тутилган бўлиб, унинг ёрдамида планшетни столга ўрнатиш мумкин. Шунингдек, стилус (электрон перо) қўллаб-қувватланган. Янги қурилма дизайни бўйича Microsoft компаниясининг Surface Pro планшетини эслатиб юборади.
Lenovo Ideapad MIIX 700 Windows 10 операцион тизимида ишлайди. Қурилма дисплейи 2160 х 1440 пикселли кўрсатиш қобилиятига эга ва диагонали бўйича 12 дюймни ташкил қилади. Intel Skylake Core M7 процессоригача бўлган бир нечта конфигурациялар кўзда тутилган. 8 Гб тезкор хотира ва 256 ГГб доимий хотирага эга.

Планшет USB 3.0 ва USB 2.0, micro HDMI портлари, microSD слоти, LTE тармоғини қўллаб-қувватловчи моделларда microSIM слоти билан таъминланган. Планшетда Intel RealSense опциал камераси мавжуд. Қурилма 699 доллардан бошлаб 2015 йилнинг ноябридан сотувга чиқарилади.