Москва метрополитени яқин беш йил ичида поездлар ҳаракатини енгиллаштирадиган ва шовқин даражасини камайтирадиган янги рельслар харид қилиш ва ўрнатишга 2.9 млрд рубль сарфлайди. Бу ҳақда ташкилот раҳбари Дмитрий Пегов маълумот берди.

Бу борадаги шартнома метрополитен ва “ЕВРАЗ” компанияси ўртасида имзоланди.
“Бу шартнома беш йилга имзоланди, “ЕВРАЗ” шу давр ичида бизга минг км дан ортиқ рельслар етказиб бериши керак. Москва метрополитени ва ҳокимияти метрополитен инфраструктурасини талабга жавоб берадиган даражада сақлашга жиддий эътибор қаратади. Биз ҳар йили ўртача 70-90 км рельсларни алмаштирамиз”, - Пеговнинг сўзларини келтиради РИА Новости агентлиги.

Таъкидланишича, ҳар бир рельснинг узунлиги 100 м ни ташкил қилади.
“Бу нафақат бизда, балки бутун жаҳонда ҳам ўзига хос янгилик бўлади. Бундай узунликдаги рельслар ҳали метрополитенда ишлатилмаган”, - деди Пегов.