Нигериянинг Nigerian National Petroleum Corp давлат нефть компанияси учувчисиз парвоз қурилмалари ёрдамида соҳилбўйи сувларида кемаларнинг ҳаракатланишини кузатишни режалаштирилмоқда. Бундай чора шельфда нефть маҳсулотлари ўғирланишининг олдини олиши керак, деб хабар бермоқда Bloomberg агентлиги.

Ўтган йили компания нефть қувурларига 4 мингта ҳужум ҳолатини қайд қилган эди. Жиноятчилар билан тўқнашувларда компания ва мамлакатнинг ҳуқуқ-тартибот муассасаларининг камида 350 нафар ходими ҳалок бўлган.

Май ойида президент этиб сайланган Нигериянинг янги президенти Муҳаммаду Бухорий порахўрлик ва саноат соҳасида хомашё ўғирланишига барҳам беришга ваъда берган эди. Бугунги кунда Нигериянинг 90 фоиз экспорт тушумлари ва мамлакат бюджетининг учдан икки қисми даромадлари нефть ҳисобига таъминланади.