Россия президенти Владимир Путин Пекинда Иккинчи Жаҳон уруши якунининг 70 йиллигига бағишланган парад ва бошқа тадбирлар доирасида бир қатор икки томонлама учрашувлар ўтказади. Бу ҳақда унинг ёрдамчиси Юрий Ушаков хабар берди.

Ушаков берган маълумотга қараганда, Путин биринчи навбатда ХХР раиси Си Цзиньпин билан учрашади. Шундан сўнг у Венесуэла президенти Николас Мадуро билан учрашув ўтказиб, нефть нархларининг тушишини муҳокама қилади, шунингдек, энергетика бозоридаги умумий вазиятни кўриб чиқади.

Бундан ташқари, у Чехия президенти Милош Земан ва Лаос раҳбари Тюммали Сайнясон билан икки томонлама учрашувлар ўтказади.