“Вертолёты России” холдинги Афғонистон билан ушбу мамлакатга етказиб берилагн 150та МИ-8 вертолётларининг хавфсиз эксплуатациясини таъминлаб бериш борасида ҳамкорлик қилишга тайёр.

Бу ҳақда холдинг бош директорининг савдо бўйича ўринбосари Григорий Козлов РИА Новости агентлигига берган интервьюсида айтиб ўтди.
“АҚШ мудофаа вазирлиги билан тузилган шартнома асосида 2014 йили Россия Афғонистон армиясига Ми-17В-5 ҳарбий-транспорт вертолётларини етказиб берган эди. Жами 63 вертолёт етказиб берилган эди. Афғонистон қуролли кучларида Ми-8 тоифасидаги жами 150та вертолёт бор.

Уларнинг барчаси замонавий ва сифатли сервис билан таъминланиши керак. Бизнинг холдинг афғонистонлик дўстларни мана шундай хизматлар билан таъминлашга тайёр”, - деди Козлов.
Айтилишича, ушбу вертолётларнинг етказиб берилиши Афғонистоннинг хавфсизлигини таъминлаш йўлида Россия ва АҚШ томонидан амалга оширилган ҳамкорликдаги тадбирлардан биридир.