Ўзбекистон иқтисодиёт вазирлиги қошидаги “Технологиялар трансфери агентлиги” давлат корхонаси тугатилади. Бу вазирлар маҳкамасининг 28 августдаги қарорида кўзда тутилган.
Агентлик 2008 йилда фан ва технологиялар ривожланишини мувофиқлаштириш қўмитасидан иқтисодиёт вазирлигига ўтказилган эди.

унинг асосий вазифалари ишлаб чиқаришга инновацион лойиҳаларни жорий қилиш, мустақил экспертизалар ўтказиш, ички амалиётга инновацион технологияларни киритиш ва мослаштириш сингарилардан иборат эди.
Шунингдек, ҳукумат қарори билан иқтисодиёт вазирлиги марказий девони штати ҳам кенгайтирилиб, 150 штат бирлигидан 176 штат бирлигига етказилди. Вазир ўринбосарлари сони 3 нафардан 4 нафарга етказилди (биринчи ўринбосардан ташқари).