Хиросима префектураси Cat Street View панорамали харитасини ишлаб чиқди. Ундаги тасвир мушук бўйидаги баландликдан олинган, деб хабар бермоқда WSJ нашри. 

Харитани яратиш учун Google Street View хариталарини яратиш учун ишлатилган қурилмадан фойдаланилган. Айни пайтда бу харита Хиросима шаҳридан шарққа томон 70 км узоқликда жойлашган Ономити шаҳридаги туманларни ўз ичига қамраб олган.

Cat Street View бошқа интерфаол хариталарнинг кўплаб функцияларини, жумладан камеранинг эгилиш бурчагини ўзгартириш ва маҳаллий муассасалар ҳақида батафсил маълумот олиш функцияларини ўз ичига олган.