Iroq poytaxti Bog‘dodning turli tumanlarida sodir etilgan portlashlar oqibatida kamida 12 kishi halok bo‘ldi, deb xabar bermoqda Reuters axborot agentligi.
Shaharning sharqiy dahasi Amindagi bozorda yuz bergan portlash oqibatida 3 kishi halok bo‘ldi, yana 10 kishi yaralandi.
Shaharning sharqiy qismidagi Zafaroniy tumanidagi portlashda 2 kishi halok bo‘ldi, yana 7 kishi yaralandi. Bog‘dodning shimolidagi Sulayh tumanida yana 2 kishi halok bo‘ldi.
Yana 5 kishi Bog‘dodning shialar yashaydigan dahalaridagi 2 ta portlash oqibatida halok bo‘ldi.