Брэд Питт, Криштиану Роналду, Кичик Роберт Дауни, Брюс Уиллис, Вин Дизель ва бошқа кўплаб жаҳон юлдузлари ўзлари билмаган ҳолда Калининград губернатори Николай Цукановнинг сайловолди пиар-компаниясида пайдо бўлдилар.

Яқинда Николай Цукановнинг YouTube’даги аккаунтида юқоридаги санаб ўтилган юлдузлар унинг бўлғуси сайловлардаги номзодини “қўллаб-қувватлаганлари” акс этган видеоролик пайдо бўлди.
”Ҳозир мен “Тўхтатиб бўлмаслар-4” (Неудержимые-4”) фильмини суратга олмоқдаман. Бу фильмда олишув, портлаш, пойгалар бўлмайди. Биз шунчаки Николай Николаевич вилоятни тараққий эттираётгани ҳақида фильм суратга олмоқдамиз”, деб айтмоқда видеода Сильвестр Сталлоне.

Кичик Дауни эса унинг “Темир одам” фильмидаги қаҳрамони образи айнан губернатор образидан олинганини “таъкидламоқда”, ДиКаприо эса унинг “минус”ларини айтиб, “У пайтда ҳам менга “Оскар” беришмади”, деб хафа бўлиб гапиради.
Бу ерда сиёсатчининг юморига қойил қолмасдан иложи йўқ, бироқ юқорида номлари келтирилган юлдузлар ўзларининг промо-роликдаги “иштирокларидан” воқиф бўлсалар, бундан хурсанд бўлишлари даргумон бўлса керак.