Chrome браузери ишлаб чиқувчилари браузернинг янги версиясида браузер томонидан истеъмол қилинадиган хотира ва батарея ресурсларини камайтиришга урғу бердилар. Бу ҳақда улар Chrome’нинг расмий блогида маълум қилдилар. 

Сарфланадиган хотира ҳажмини қисқартириш учун Google Chrome қайси вкладкалардан бири камроқ фаоллигини аниқлаб, аввалги сессияда кўпроқ ишлатилган вкладкалар биринчи навбатда очилиши учун хотира ресурсларини фаол ишлаётганларга “ташлайди”. Chrome ноутбукнинг қувватини тежаш мақсадида бошқа вкладкаларда ишлатилмаётган турли плагинларни (масалан, Flash Player) ўчириб қўяди. Тадқиқотларга кўра, бу қувватлаш қурилмасидан узиб қўйилган ноутбукнинг 15 фоиз кўпроқ ишлашига имкон беради.
Chrome браузери томонидан ишлатиладиган катта миқдордаги ресурслар интернет-фойдаланувчилар орасида ҳақиқий мемга айланган.

Аввалроқ Chrome браузери ўрнига Safari браузерини ишлатиш MacBook ноутбукининг бир соатга кўпроқ ишлашига имкон бериши маълум қилинганди.