Европадаги миграцион инқироз Сурия президенти Башар Асад, “ИШИД” террорчилик гуруҳи ҳамда Яқин Шарқ ва Африка аҳолисига қонунни четлаб ўтиб, уларни Европага етказиш бўйича хизматларни таклиф қилаётган контрабандачиларнинг хатти-ҳаракатлари туфайли юзага келди, деб айтди ўз нутқида Буюк Британия бош вазири Дэвид Кэмерон. Кэмерон навбатдаги галда ушбу масаланинг “умумий ечимини” топишга чақирмоқда

“Муаммони Европага янада кўпроқ одамларни киритиш билан ҳал қилиб бўлмайди. Буни ҳал қилишда Ливияда янги ҳукуматни шакллантириш ҳамда Суриядаги вазиятни тинчлик билан ҳал қилишни ўз ичига олган ҳар томонлама пухта ёндошув зарур”, деб айтмоқда Кэмерон.

Кэмероннинг таъкидлашича, Европадаги ушбу вазият учун “энг катта жавобгарлик” “президент Асад, “ИШИД” қотиллари ва одамлар билан жирканч савдо қилишни амалга ошираётган жиноий гуруҳлар” зиммасидадир.

“Муаммони келтириб чиқараётганларнинг барчасига бир вақтнинг ўзида қатъий чоралар кўриш зарур”, деб таъкидламоқда Кэмерон.