АҚШ мудофаа вазири Эштон Картернинг айтишича 2016 йилни сўнгига қадар, яъни Барак Обаманинг президентлик муддати тугагунича Кубанинг Гуантанамо ҳарбий-денгиз базасидаги дунёнинг турли қисмларида террорчилик айби билан кишан қилиниб, судсиз ва муддатсиз ҳибсда сақланаётган маҳбусларни бошқа жойга кўриш ҳамда Гуантанамо қамоқхонасини ёпиш учун барча чораларни кўради. Бу ҳақда журналистлар учун ташкил этилган брифинг чоғида Пентагон матбуот котиби Питер Кук маълум қилди.

Унинг қайд этишича, мазкур топшириқ шахсан президент томонидан юклатилган бўлиб, кейинги президентлик муддатига қадар қамоқхонани ёпиш учун барча зарур чоралар кўрилиши зарур.

Бунинг учун дастлаб маҳаллий аҳоли хавфсизлигига таҳдид солмайдиган, маҳбусларни сақлаш учун мақбул жойни топиш лозим. Шунингдек, Пентагон ходимлари мос комплексни саралаш вақтида унинг кўчирилиш қийматини баҳолаб чиқишмоқда. Ана шундай объектлардан бири Жанубий Каролина штатининг Чарлстон шаҳрида жойлашган.

Бундан аввалроқ, Оқ уй матбуот котиби Жош Эрнест Барак Обама Гуантанамо базасидаги қамоқхонани ёпиш борасидаги барча имкониятларни “кенг спектрда” кўриб чиқаётганини маълум қилган эди.