АҚШ ва Россия президентларининг учрашиши масаласи ҳозирча кун тартибида йўқ. Бу ҳақда Кремль маъмурияти раҳбари Сергей Иванов маълумот берди.

“Билишимча, ҳозирча Владимир Владимировичнинг (Путиннинг) Обама билан учрашуви режада йўқ”, - унинг сўзларини келтиради РИА Новости агентлиги.

Илгарироқ Россия ташқи ишлар вазири Сергей Лавров АҚШ томон “белги” берган тақдирда икки давлат раҳбарининг учрашуви ўтказилиши мумкинлигини айтган эди.