Мадриднинг «Реал» клуби ҳужумчиси Криштиану Роналду Twitter ижтимоий тармоғида ёзган твитлари учун ишлаб топадиган маблағлари миқдори аниқ бўлди.

Аs нашрининг Opendorse агентлиги маълумотларига таяниб хабар беришича, португалиялик футболчи ҳар битта реклама кўринишидаги твити учун 230 366 евро миқдорида маблағ ишлаб топади.

Солиштириш учун, Роналдунинг «Реал»даги жамоадоши Хамес Родригес ҳар бир твити учун 40 минг евро, баскетболчи ЛеБрон Жеймс эса тахминан 125 минг евро ишлаб топади.

Қайд этиб ўтиш жоиз, Роналдунинг твиттердаги аккаунтига 37,7 миллион фойдаланувчи обуна бўлган (фоллоу қилган). Унинг Мадрид клуби сафидаги йиллик маоши 21 миллион еврони ташкил қилади.