Шанхай Халқаро тадқиқотлар университетининг веб-саҳифасида “Ўзбекистоннинг энг янги тарихи ва Хитой билан нуқтаи назарлар муштараклигига асосланган ҳамкорлиги” сарлавҳали мақола эълон қилинди.

Унда Ўзбекистон давлатчилигининг қарор топиши ва ривожланиши жараёнлари ҳамда Ўзбекистон - Хитой муносабатларининг ҳозирги ҳолати ва истиқболлари ҳақидаги фикр-мулоҳазалар қаламга олинган, деб хабар беради Жаҳон АА.

Қайд этилишича, жорий йилнинг кузида Шанхай Халқаро тадқиқотлар университетида ўзбек тили кафедраси иш бошлайди.

Маълумот учун, 2013 йилдан бошлаб Шанхай университети ҳузуридаги ШҲТ Жамоат дипломатияси илмий-тадқиқот институти базасида «Ўзбекистон тадқиқотлари ва маърифий алмашувлар маркази» фаолият кўрсатмоқда.