Украина Олий радасида бир қатор ижрочиларни Украина халқ артисти унвонидан маҳрум қилиш ҳақидаги қонун лойиҳаси рўйхатдан ўтказилди, деб хабар бермоқда УНИАН нашри.

Қонун лойиҳаси муаллифи “Блок Петра Порошенко” фракцияси халқ депутати Иван Мельничук ҳисобланади. Унинг айтишича, қонун лойиҳасида Ани Лорак, Таисия Повалий, Иосиф Кобзон ва Николай Басковни Украина халқ артисти унвонидан маҳрум қилиш таклиф қилинмоқда.

Партия матбуот хизматида бундан асосий мақсад “маданият, санъат ва шоу-бизнес вакиллари томонидан Украинага қарши фаолликни қоралаш” ҳамда уларга нисбатан халқ артисти унвонидан маҳрум этиш кўринишида жавобгарликни қўллашдан иборат.